الجمعة، 6 يناير 2012

ليلة فى حياة زوج


ليلة فى حياة زوج

زجل من ذكريات مابعد التخلص من المرحلة الجامعية هههه
14-12-2003

اصحى يا راجل..اصحى يابختى وآخرة صبرى
ايه ياولية..هوا مافيش يوم اصحى بخطرى
إصحى ياخويا..إصحى اقولك آيه إل بيجرى
إللى بيجرى انا عارفه وحفظه..بس سبينى لغاية بكرة
لأ يا حبيبى دى اخبار طازة..عارف جارنا فرغلى أفندى؟
ماله دا راخر..
آل ايه ساب شغلنته الميرى
مانا لو برضه ماروحتش بكرة..شكله حيبقى دا نفس مصيرى
بس إسمعنى..دول بيقولو البت صفية إتجوزت الواد مصباح
طب وانا مالى إفهمى يا ولية..جوزك نفسه ف يوم يرتاح
وللا عواطف..آل ايه رخرة..نفسها تفتح هنا كوافير
نامى يا ولية انا بكرة مطبق..والشغل حيبقى عليا كتير
طب ايه قولك..ف اللى عرفته عن مشاوير البت إيناس
بطلى بقة ياولية شوية..كدة بتخوضى ف أعراض ناس
طيب طيب قولى صحيح..
مش حتغيرلى البوتاجاز؟
!!!
طب دلوقتى اعملك ايه؟..يعنى احرقلك نفسى بجاااز
انا مش عارفة الراجل دوّت ليه متعصب كدة علطول؟!
ياللا يا راجل..قوم إشربلك حبة شاى وللا إفطرلك لقمة فول
طب يا ولية سبينى شوية..واصحى الاقى فطارى معمول
طب راح اسيبك..
بس الساعة تجيلها تمانية
بتقولى ايييييه؟!!!!!!!!!!!!!!!!!!!
راحت الليلة خلاص ياولية..ولا نمتش فيها حتى شوية
طب وانا مالى..يعنى حكلم نفسى يا ناس
؟؟؟؟؟؟
لأ ودى تيجى...
؟
؟
؟
؟
انا مش رايح شغلى خلاص....



إمضاء/زوج مقهور


**
أتمنى اخواتى لا يغضبن منّى هههههه
يارب كل البنات يكونوا زوجات صالحات
فى انتطار أراءكم فى المشكلات الزوجية اللى من هالنوع


هناك تعليقان (2):

  1. ليلة فى حياة زوج
    دى مش ليلة بس دى كل ليلة بالشكل ده
    اذا كانت الاذاعة هتبطل يبقى الستات هتبطل اذاعة
    وليه ما نسمعهاشى زى ماكان شهريار بيسمع شهرزاد
    والله هموم الدنيا محتاجه لسماع هذه الحكايات عشان تبعدنا شوية عن الواقع الاليم
    بس الست تخنار الوقت المناسب مش عمال على بطال
    حوارك جذاب قريب شويه من حوار ابنتى هبه فاروق

    ردحذف
  2. أ.فاروق
    أهلآ بك بمدونتى المتواضعة..

    اسمحلى أدافع عن باقى النساء
    فليس كلهن هذه الزوجة..

    سعيدة أن حوارى هنا قد نال اعجابك
    انا محبة للزجل العاميْ بصفة عامة واعلامه أمثال
    الأساتذة:إمان بكرى-احمد فؤاد نجم-صلاح جاهين...

    وأعجبت حقآ بكتابة الأخت هبة لكنى للأسف لم اقرأ
    لها حتى الآن سوى (يرحم زمان),, ماشاء الله عليها
    قد تتشابه الأساليب لكن يظل المذاق مختلف
    تحياتى أستاذ فاروق .. دمت بخير.

    ردحذف