كتبها أميرة مملكتى ، في 21 ديسمبر 2011
الأوْلة آآآه .. بَدَإت حكايتى وقصتى بكلمة(نهاية)
والتانية آآآه .. قضيت ليالى ف وحدتى محدّش معايا
والتالتة آآه .. عيلتى وكتير مالمجتمع كرهوا الرواية
الاوْلة آآه والتانية آآه والتالتة آآه
من بره فرْح ودفا و من جوه .. كان كله زيف
لا لقيتلى حضن يضمنى ولا حتى طيف
بين اهلى وناسى عايش وكأنى ضيف
فجأة الحياه اتبسْمت انا قلت خلاص
حعيش حياتى ودنيتى ف حب واخلاص
جالى اللى عارف قصتى وحبيبنى بيها
جالى ال اعيشله وهو ده ال معاه الخلاص
لكن لأن من المُحال الحال يدوم
فِضل اهتمامه يقل بيا ف كل يوم
ومهما قلت او عاتبت يقوللى هو:
انا لسة جنبك..والكلام ده مالوش لزوم
عشت الليالى كفوفى تحضن دمعتى
فجأة اختفى .. وف غيابه رجعت وحدتى
سألت نفسى .. حتضعفى؟؟
ردت وقالت:
لو هو ميـــــــــن ؟؟
ليست هناك تعليقات:
إرسال تعليق