الجمعة، 13 يناير، 2012

أدخُلن يا بنات :)

قصة واقعية وفايدة حقيقية
في 28 أغسطس، 2011











القصة حريمى حبتين لكن فايدتها تعود عالجميع
 
الحقيقة هى حكاية حصلتلى من فترة قلت احكيلكم واقول

الفايدة ^_^خلينا نتعرّف ع ابطال قصتى:


أنـا(الفقيرة الى الله)
والمايّه والحنفية
والغسالة (اتوماتيك للعلم)


الموضوع ببساطة
انى صحيت لقيت المايّة شديدة ماشاء الله

بسبب الجيران اللى فاتحين المواتير وكانت الحنفية عندنا

بتنقط جامد لـ عيب فيها

قمت قفلت محبس الماية شوية ،مش خالص يعنى، على اساس

ان كمية الماية تقل بالحنفية..وقد كان والدنيا مشيت زى الفل

شوية ولقيت حبة غسيل قلت اشغل الغسالة وأدّيها فومِّـين


وإذا بى أفاجأ بالماية قليييييلة :(

لأ مش بسبب المحبس لأنى فتحته عالآخر لكن كانت المواتير اتقفلت

وبقيت   ازوّد كمية الماية ازاى دلوقت بقةةةةةةةةةة؟؟!!!!!!!!!

 هنا بس خطرت ببالى فكرة لأول مرة انتبه ليها بالشكل ده

و هـــــــى
ان الشئ لما يكون زيادة حبتين
-وان كان ده احيانآ بيكون عيب -
لكن ده اكيد بيكون افضل من نقصانه بشده

حوضحلكم اكتر

** يعنى فى الحر مثلآ ممكن نخفف الحرارة ,, لكن بيكون اصعب انك فى البرد تزودها
  حتى فى وجود الأجهزة الكهربائية !!
** والشخص اللى عنده بذخ يعنى بيصرف بزيادة ممكن نعلمه يتحكم فى مصاريفه,, لكن
صعب تخلى البخيل يصرف !!

**الشخص المرح بزيادة ممكن يتحكم فى خفة دمه,, لكن
صعب تخلى صاحب الدم التقيل يتعلم المرح !!

**الشخص الصادق الصريح ودايمآ يحكى بزيادة ممكن يتحكم
ويقلل كلامه بدون مايضطر يكذب
,, لكن
الشخص الكداب والغير صريح صعب تخليه يقول الصدق ويكون واضح....وهكذا

ومن هنا اتعلمت
اننا لازم نصبر على احبّائنا واصدقاءنا وازواجنا
لو ان عيوبهم اللى احنا شايفينها كانت
شئ بالزيادة ,, وليس بالنقصان .


وتوتا توتا ,, فرغت الحدوتة


أحبكم فى الله.

هناك 4 تعليقات:

  1. فعلا الحاجة لما تكون بزيادة احسن لما تكون ناقصة بزيادة
    اقرب حاجة لما يكون عتدك فستان واسع سهل لما تضيقيه يبقى على مقاسك انما لما يكون ضيق ماتقدريش توسعيه الزيادة افضل من النقصان
    بوست كله حكم بس اللى يفهم

    ردحذف
  2. اكرمك الله استاذى الفاضل
    والله ان مثال حضرتك ضرب البوست تبعى على عينه ^_^
    صدقت وسلمت يداك أ. فاروق
    دمت بكل خير ,,

    ردحذف
  3. والله نظرية برضو
    كلامك صح في منو
    مع انه انا عندي قاعدة تقول
    الطبع يغلب التطبع

    ملاحظة:-
    يا ريت ارجوكي بليز
    اتكبري الخط
    انا دخلت لمدونتك هاي 5 مرات
    وكل مرة اقرأ كلمتين واطلع
    لانه بصراحة انا من النوعية
    من الناس انفر من الخط الصغير
    يتعب عيوني والاهم بضيق خلقي
    ... معلش زودتها اشوية
    بس والله كمان علشانك
    لانه صدقيني انا في كتار متلي

    لك مني خالص الحب
    كوني بخير دوما يا رب
    المعذرة على الاطالة

    ردحذف
  4. العزيزة امل م.أ
    هناك طباع يمكن تعديلها وليس تبديلها
    مهما غلب الدبع التطبع

    رد الملاحطة:-
    والله حبيبتى قد رددت عليك بهالامر من قبل
    ارجو اى تحاولى لف عجلة الماوس مع الضغط على ctrl
    لتكبير اى صفحة تري خطها صغير

    فخط الردود هنا صغير جدآ واضطر لتقريب الشاشة
    بنفس الطريقة التى ذكرتها لكِ
    وبالتالى يأتى خط مدوناتى كبيييير واكثر من هذا
    اصاب بالصداع الشديد ..

    أقدّر معاناتك وتعبك بصفحتى ,,
    واشكر مرورك الطيب ..
    دمتِ بـ ود.

    ردحذف