الجمعة، 1 نوفمبر، 2013

سنة هجرية جديدة

1-1-2009

بمناسبة السنة الهجرية الجديدة
---------
الحقيقة فى شيئ لاحظته طوال عمرى .. وكان ولازال خانقنى جدآآآآ وقلت اعبّرعنه بهالزجل العاميْ .. واعذرونى لأنه كان مرتجل سريعآ جدآ...وكل عام وانتم بخير


قالو دى سنة هجرية جديدة
قلت يارب إجعلها سعيدة
روحت فتحت التليفزيون
يمكن الاقى المُحتفِلون
طول اليوم عمّالة أدوّر
عالقنوات دِيّا و دِياّ
والله ماشفت حاجة معروضة
غير قِصّةْ رابعة العدوية
طب ياجماعة ماتِعرضوا حاجة
مُتعلقة كدة بالموضوع
هِجرة حبيينا رسول الله
ومتهيّألى دا شيئ مشروع
إشمعنا السنة الميلادية
احتفالاتها طول الشهر
انا عن نفسى كل ماشوفها
بتحسّسنى كدة بالقهر
دوْلة وفيها الإسلام أكتر
يبقى إزاى حقنا مهضوم
حتى الفرحة بسنة جديدة
مالهاش فرصة....غير>>>يوم ؟!!
لازم نِفهم ان بلادنا
ربنا جمّع فيها فريقين
وعشان كدة بالعربى بقولها
لازم بقة يفرحو لتنين

.
.


يارب اكون قدرت اوصلّكم ازمتى .

هناك تعليق واحد:

  1. شكرا على هذه الخاطرة الهادية الراشدة وربنا يهدينا جميعا الى ما فيه رضاه

    ردحذف