السبت، 14 يوليو، 2012

ماباقيتــــــش




ماباقيتــــــش

ماباقيتش عندى الرغبة باى شئ
ماباقيتش قادرة ادّى غيرى اى شئ
ماباقيتش غاوية الناس والصحبة واللمة
ماباقيتش حابة الشلة والدوشة والزحمة
ماباقيتش لاقية كلام احكيه او اقوله
ماباقيتش عايزة ونيس مالعالم بطوله
فقدت حبى للحياه
مشتاقة اوصل ف الطريق لمنتهاه
فقدت خوفى  .. بقا كَم منسى
فقدت املى وحتى .. يأسى
ماباقاش فى قلبى غير معنى الـ أأأأه
ماباقيتش عايشة معنى الحياه

ماباقيتش عايزة  حد
الكل بيهرج ويتسلى
وانا نفسى اعيشها بجد
ماباقيتش غير مجرد قلب نابض
وايد كفّــها عالجمر قابض
ولسان ملجوم وليه حيشكى ؟
م الـ وش حزين والعين بتبكى

خلااااااااص ...
خلاص حعيش سنينى وايامى
مصاحبة الـ هَم وحابّة آلامى
وان جالى فرْح بـ يوم ونادانى
حفرح وانا عارفة..
ان الحزن راح يشتاقلى من تانى
ولو حتى طريق الفرح يوم مالقيتـش
مانيش ححزن
لأن امالى فيه .. 
ماباقيتـــــش

ليست هناك تعليقات:

إرسال تعليق